Brīnišķīgā satura portāls dgramata.lv


Meklet
 
..mandarinu mizenis
18.04.2011
Autors: Ingrida Tārauda
..2011
***
mandarinu mizenis
 ar tuobreiža
skaņom pylna
īguoda dzarstuos
pa krostim myglu i
svaigu gaisu
vysi apsūlejumi
pabierst zam rīpom
uz grants ceļa
i vokora tymsneibai
nav nūslāpuma
***
elektreibys stoba
beidzameiba
baciana pereklis
uzticeibys oreola
atbluozmis
vīns sagaida otkondīnu
a tovai atmiņu kartei
beidzīs lītuošonys
termeņš
***
puspudele Piparu ryugtuo
kompresem
vacī makaroni i cyuku pupys
vyss vīnā maisā – prūm
ka tu dūmoj  – jei nav dāma
tok apsaver uz smolkīm nadzenim
perlamutra kruosā
i mežgiņu atvārumu
storp kryutim
***
stumbrs pi tuo daspīžu
kveļdeigu pīri
pludynojās manī dzeiveibys spāks
dreiž suoksīs poly
Komentāri (0):
Lai pievienotu komentāru, nepieciešams autorizēties